Çĕрлехи пушарта çын вилнĕ

Пушкăртстанра çуннă çуртра 69 çулхи арçыннăн вилнĕ ÿтне тупнă.

«Хĕрлĕ автан» сентябрь уйăхĕн 4-мĕшĕнче çĕрле Давлекан районĕнчи Ташлы ялĕнче алхаснă, тăрăшшĕ - 6 , сарлакăшĕ 5 метрлă пурăнмалли çурт çунса кайнă. Шел пулин те пушар вырăнĕнче 1951 çулта çуралнă арçыннăн вилине тупнă тесе пĕлтернĕ РФ Инкеклĕ лару-тăру мининистерствин Пушкăртстанри управленин пресс-службинче.

Хальхи вăхăтра пушар мĕн сăлтава пула тухнине уçăмлатаççĕ.

Юрий СНЕГОПАД.