Михаил Александрович Блажевич 1975 çулхи май уйăхĕн 21-мĕшĕнче Киев хулинче çуралнă. 1996 çулта Санкт-Петербургри аслă зенитлă ракета команда училищине, 2006 çулта Смоленскри сывлăш оборонин çар академине пĕтернĕ. Çар службине Çĕпĕрти, Мускаври, Çурçĕр-Кавказри, Тĕп çар округĕсенче иртнĕ. 2016 çулхи август уйăхĕнчен пуçласа 2020 çулхи сентябрь уйăхĕччен Кăнтăр çар окургĕн территоринче 67-мĕш зенитлă ракета бригадин командирĕ пулнă. «Тăван çĕршывшăн тава тивĕçлĕ ĕçсемшĕн», «Çапăçура палăрнăшăн», «Çар паттăрлăхĕшĕн» медальсене тивĕçнĕ.