Патшалăх премийĕсене тивĕçнĕ

Октябрь уйăхĕн 7-мĕшĕнче Пушкăртстан Пуçлăхĕ Радий Хабиров Салават Юлаев ячĕллĕ литература, искусство тата архитектура облаçĕнчи ĕçченсене премисемпе чысланă.

Кăçал асăннă премие Булат Юсупов кинорежиссер тата Загир Исмагилов ячĕллĕ Ĕпхÿ патшалăх ÿнер институчĕн доценчĕ Гульсясяк Саламатова, тулли метражлă «Пĕрремĕш Республика» («Первая Республика») илемлĕ фильмшăн; Мажит Гафури ячĕллĕ Пушкăрт академи драма театрĕн тĕп режиссерĕ тата театрăн тĕп художникĕ Альберт Нестеров «Зулейха открывает глаза» (Гузель Яхинан романĕ тăрăх), «Черноликие» (Мажит Гафурин повеçĕ тăрăх) спектакльсемшĕн; Хатип Фазылов художник «Тăван çĕршыв сăнарĕ - йăла-йĕрке тата кăмăл-сипет») илемлĕ произведенисен ярăмĕшĕн тивĕçнĕ.
- Паян пирĕн тулли метражлă фильмсем ÿкермелли мĕнпур услови те пур. Фильмсем фестивальсенче тивĕçлĕ наградăсене тивĕçеççĕ. Ĕмĕтре - пултаруллă пушкăрт поэчĕ Рами Гарипов çинчен фильм ÿкересси. Республика пире пулăшасса, фильм сарлака экран çине тухасса шанатпăр, - паллаштарнă хăйĕн планĕсемпе Булат Юсупов.