Пишпÿлек район администрацийĕн пуçлăхĕн тивĕçĕсене Артур Зарипов пурнăçлĕ

Паян Пишпÿлек район администрацийĕн пуçлăхĕ Наиль Гатауллин отставкăна кайнă. Район администраци пуçлăхĕн тивĕçĕсене пурнăçлама Артур Зарипова çирĕплетнĕ. Маларах вăл район администраци пуçлăхĕн çумĕ пулнă. Кун пирки район администрацийĕн пресс-службинче пĕлтернĕ.

«Муниципаллă Пишпÿлек район Канашĕн йышăнăвĕ тăрăх, район администрацийĕн пуçлăхĕн тивĕçĕсене пурнăçлама маларах район администрацийĕн пуçлăхĕн çумĕ пулнă Артур Зарипова çирĕплетнĕ» - палăртнă район администрацийĕн пресс-службинче.

Пишпÿлек район администрацине 1999 çултанпа ертсе пынă Наиль Гатауллин ĕçрен хăй ирĕкĕпе кайнă. Пушкăртстан администраци пуçлăхĕ Александр Сидякин Н.Г. Гатауллина «Республика умĕнчи тивĕçсемшĕн» I cтепень орденĕпе наградăланă.

Надежда РОДИОНОВА.