Тĕнче шайĕнчи ăмăртусенче ÿсĕмсем тунă спортсменсене ытларах тÿлĕç

Пушкăртстан Пуçлăхĕ Радий Хабиров республика тата çĕршыв чысне Пĕтĕм тĕнчери ăмăртусенче ăнăçлă хÿтĕленĕшĕн спортсменсене паракан тÿлев виçине ÿстерни çинчен калакан указа алă пусса çирĕплетнĕ. Çак çĕнĕлĕхе юлашки 9 çулта пуçласа йышăннă тата ăна пурнăçа кĕртме республика бюджетĕнчен пĕтĕмĕшле 30 млн тенкĕ уйăрĕç тесе пĕлтернĕ регионти çамрăксен политикипе спорт министрĕ Руслан Хабибов.

Пушкăртстан Пуçлăхĕ Радий Хабиров республика тата çĕршыв чысне Пĕтĕм тĕнчери ăмăртусенче ăнăçлă хÿтĕленĕшĕн спортсменсене паракан тÿлев виçине ÿстерни çинчен калакан указа алă пусса çирĕплетнĕ. Çак çĕнĕлĕхе юлашки 9 çулта пуçласа йышăннă тата ăна пурнăçа кĕртме республика бюджетĕнчен пĕтĕмĕшле 30 млн тенкĕ уйăрĕç тесе пĕлтернĕ регионти çамрăксен политикипе спорт министрĕ Руслан Хабибов.

- Вăтамран тÿлевсен виçи икĕ хут ÿснĕ. Укçа-тенкĕн 50 процентне спортсменăн тренерне параççĕ,- тенĕ Спорт министерствин ертÿçи.

Тĕнче шайĕнчи ăмăртусенче спортсмен пĕрремĕш вырăн йышăнсан вăл тренерпа пĕрле 250 пин тенкĕ илни паллă. Пьедесталăн иккĕмĕш пусми çине хăпарсан – 150 пин, виççĕмĕш пулсан 100 пин тенкĕ тÿлеççĕ. Европа шайĕнчи кĕрешÿсенче çак тÿлев виçисем 150, 100 тата 75 пин тенкĕпе танлашаççĕ.

- Пуçласа олимп, паралимп, сурдлимп тата çамрăксен олимп вăйисенче 4-8-мĕш вырăнсем йышăннă спортсменсене те укçа-тенкĕ тÿлевĕсемпе тивĕçтерме пуçлĕç,- палăртнă Руслан Хабибов.- Çавăн пекех эпир министерствăн спортпа физкультура мероприятийĕсем ирттермелли календарь планĕнче палăртнă тăкаксене ÿстерессипе çыхăннă приказа улшăнусем кĕртрĕмĕр. Ăна 2015 çултанпа çĕнетменччĕ. Халĕ вăл Раççей Спорт министерствин нормисемпе килĕшсе тăрать.

Юрий МИХАЙЛОВ.

Читайте нас:

Об использовании персональных данных

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А

Реклама пайĕ

8-347-86-3-25-44

Редакци

8-347-86-4-22-81

Пĕрле ĕçлени

8-347-86-4-22-81

Кадрсен пайĕ

8-347-86-4-14-73