Узбекистанран илсе килнĕ типĕтнĕ улма-çимĕçре нăрă хуртне шыраса тупнă

Россельхознадзорăн Пушкăртстанри референт центрĕн специалисчĕсем Узбекистанран пирĕн республикăна илсе килнĕ типĕтнĕ улма-çимĕçре нăрă хуртне шыраса тупнă.

Типĕтнĕ абрикос, курага партине тĕпченĕ хыççăн специалистсем карантина кĕртнĕ капровый текен хăрушă нăрă хурчĕ тупса палăртнă. Унсăр пуçне 1000 килограмм типĕтнĕ улма-çырлара улма-çырлапа тыр-пула хăрушлăх кăларса тăратакан улма тата амбар хурчĕн личинкисене тупнă.

- Карантина лекнĕ хурт-кăпшанкăпа сиенленнĕ типĕтнĕ улма-çырла партине тĕп тума тивет, - пĕлтернĕ ведомствăн пресс-службинче.

Надежда РОДИОНОВА.