Донни ятлă робот тухтăрсене пулăшĕ

Пушкăртстан республикăри юн ямалли станци валли пуçласа медицина робочĕ туяннă. Ăслă пулăшакан (ăна сасăласа Донни ят панă, «доннаци» сăмахран) çывăх вăхăтра тухтăрсен пурнăçне çăмăллатĕ.

Донни пациентсене кĕтсе илĕ тата вĕсемпе калаçăва хутшăнĕ, çынсен даннăйĕсене ыйтса пĕлĕ, паянхи кун маскăпа усă курмаллине асăрхаттарĕ. Çавăн пекех вăл юн пусăмне тата таппине виçме пултарать, çак кăтартусене медицина ĕçченĕсем патне илсе çитерет. Çакă пациента йышăннă чухне уйăракан вăхăта кĕскетме май парать, çынпа çын хутшăнура пулассине сахаллатать.

Асăннă çĕнĕлĕх регионта пуçласа искусствăлла ăс-хакăла пурнăçа кĕртнĕ тĕслĕх пулса тăнине палăртмалла.

Юрий СНЕГОПАД.