Çĕршыв президенчĕ Ĕпхÿ хулин 450 çулхи юбилейне паллă тăвассипе çыхăннă йышăнăва алă пуснă

Ноябрь уйăхĕн 30-мĕшĕнче Раççей Президенчĕ Владимир Путин 2024 çулта Ĕпхÿ хулин 450 çулхи юбилейне паллă тăвасси çинчен калакан йышăнăва алă пуснă. Кун пирки Пушкăртстан пуçлăхĕ Радий Хабиров хăйĕн социаллă сетĕнче пĕлтернĕ. Асăннă документпа килĕшуллĕн, РФ Правительствин председателĕн çумĕ ертсе пынипе виçĕ уйăх хушшинче уява йĕркелесе ирттерекен комитет членĕсене суйлĕç.

- Çур пине çитсе пыракан юбилей витĕмĕпе пирĕн республикăн тĕп хулине уйрăм статус парĕç. Çакă пире Ĕпхÿ хулине çĕнетмелли сайра тĕл пулакан шанăç парать. Эпир федераллă центр пулăшнипе хулана çĕнĕ, хальхи вăхăтри сăн, çĕнĕ сывлăш вĕрсе кĕртме, ăна çĕршывăн чи тĕреклĕ хулисенчен пĕри тума пултаратпăр. Çĕршыв президентне çак йышăнăва тунăшăн пур Ĕпхÿ хула çынни ятĕнчен пысăк тав тăватăп, - çырнă Радий Хабиров.

Надежда РОДИОНОВА.