Сивĕ кунсем Пушкăртстанра 10 куна тăсăлĕç

Декабрь уйăхĕн пуçламăшĕнче Пушкăртстана килсе çитнĕ сивĕ антициклон пирĕн республикăра тепĕр вунă кун тытăнса тăрĕ. Федераллă метеосайтсен кăтартăвĕсем тăрăх, декабрь уйăхĕн 7-15-мĕшĕсенче кăнтăрлахи температура 11-15 градус сивве çитĕ, çĕрле – 15-23 градуса. Пĕтĕмĕшле тÿпе уçă та янкăр пулмалла, юр çумалла мар. Ирхи вăхăтра тĕтре карса илмелле, пралуксемпе йывăçсене пас тытмалла. Прогноз тăрăх, çил лăпка вĕрмелле, чи нумайи вăхăт-вăхăт пĕр секундра 4 метра çитме пултарать.