Урал сасси
+14 °С
Уҫҫӑнах
Пур хыпар та
Новости
25 Декабрӗн 2020, 14:50

Владимир Путин çитес 2021 çула Раççейре Наукăпа технологи çулталăкĕ пулĕ тесе пĕлтернĕ

Раççей Президенчĕ Владимир Путин Ломоносов ячĕллĕ МГУра иртнĕ попечительсен канашĕн анлă ларăвĕ вăхăтĕнче çитес 2021 çула Раççейре Наукăпа технологи çулталăкĕ пулĕ тесе пĕлтернĕ.

Раççей Президенчĕ Владимир Путин Ломоносов ячĕллĕ МГУра иртнĕ попечительсен канашĕн анлă ларăвĕ вăхăтĕнче çитес 2021 çула Раççейре Наукăпа технологи çулталăкĕ пулĕ тесе пĕлтернĕ.
- Çитес 2021 çула Раççейре Наукăпа технологи çулталăкĕ тесе пĕлтерме сĕнес килет, - тенĕ патшлăх пуçлăхĕ.
В. Путин сăмахĕсем тăрăх, çак темăна маларахах аслă шкулăн представителĕсемпе тĕл пулнă май сÿтсе явнă.
- Кăшăлвирус пандемийĕ сывлăх сыхлав, вĕрентÿ, экологи, наука тата технологи калама çук пысăк пĕлтерĕшлĕ пулнине кăтартса пачĕ. Мĕншĕн тесен вĕсем çын пурнăçĕн хăрушсăрлăхне, пахалăхне палăртаççĕ, - асархаттарнă президент.
Владимир Путин çавăн пекех хăйсен пурнăçне çак ĕçе халалланă çынсен ĕçĕн хаклăхне палăртнă.
- Вĕсем хăйсен профессилле тивĕçне пурнăçлаççĕ, тумхахлă çулпа утса çĕнĕ пĕлÿ тупса ăна çитĕнекен ăрăва параççĕ. Çĕршыва аталантарас ĕçре çавăн пек тÿпе хывакансем обществăн тата патшалăхăн хисепне тивĕç, - хушса хунă вăл.
Хайлавлă ăс-тăна (искусственный интеллект) аталантарни – этемлĕхе аталантармалли çĕнĕ пусăмăн никĕсĕ. Унăн сăмахĕсем тăрăх, цифрăллă технологисем пурнăçăн пур сферине те, производствăна, социаллă сферăна, наукăпа культурăна кĕреççĕ.
- Вĕсем пурте пĕр-пĕринпе килĕшсе тăрĕç, - тенĕ президент.
Надежда РОДИОНОВА.
Читайте нас: