Пур хыпар та
Новости
13 Кӑрлач 2021, 14:10

Трактор икĕ пая пайланнă

Телее‚ Çтерлĕ хулинчи Бабушкин урамĕнче пулса иртнĕ аварире инкек курнисем тата вилнисем пулман.

Телее‚ Çтерлĕ хулинчи Бабушкин урамĕнче пулса иртнĕ аварире инкек курнисем тата вилнисем пулман. Январь уйăхĕн 12-мĕшĕнче‚ каçхине‚ «Киа Соренто» машинăпа МТЗ трактор çапăннă. Иккĕмĕш транспортăн çамрăк водителĕ ют çĕршывра туса кăларнă çăмăл машинăна çул паман.
ПР ГИБДД пресс-служби пĕлтернĕ тăрăх‚ икĕ транспорт та сиенленнĕ. Вăйлă çапăннă пирки трактор икĕ пая пайланнă. Телее‚ çынсенчен никам та шар курман.
Çакна та палăртса хăвармалла‚ çул-йĕр инспекторĕсем юлашки талăк хушшинче виçĕ çул-йĕр инкекĕ регистрациленĕ. Вĕсенче виçĕ çын сиенленнĕ.
Ирида НОВИКОВА.