Ĕпхÿре 58 çулхи платник юр тасатнă чухне ÿксе вилнĕ

Инкек январь уйăхĕн 10-мĕшĕнче пулса иртнĕ. Халĕ çак ыйтăва республикăри Ĕç инспекцийĕ тишкерет.

Ведомство пĕлтернĕ информаци тăрăх, «Новиковка» управляющи компани ООО ĕçченĕ тĕп хулари Менделеев урамĕнчи пĕр çуртăн кĕрсе тухмалли подъезд алăкĕ тăрринчи юра тасатнă. Шăпах çав вăхăтра вăл 2,5 метр çÿллĕшĕнчен ÿкнĕ. Суранланнине пула арçыннăн чĕри тапма чарăннă.

Хальхи вăхăтра ĕç инспекторĕсем пăтăрмах мĕнле майпа сиксе тухма пултарнине тĕпчесе уçăмлатаççĕ.

Юрий СНЕГОПАД.