Республика çулĕсем çинче 500 камера вырнаçтарĕç

Пушкăртстанра çулсем çинче çул-йĕр правилисене пăснине çирĕплетекен хушма камерăсем вырнаçтарма палăртаççĕ. Çак хыпара январь уйăхĕн 25-мĕшĕнче республика пуçлăхĕн пресс-служби пĕлтернĕ.

Паянхи кун тĕлне регионта 1015 камера хута янă. Вĕсен шутĕнче 946-шĕ вырăнтан куçманнисем. 2021 çулта çул-йĕр правилисене пăснине çирĕплетме тата 500 камера вырнаçтарĕç. Сăмах май çулăн пĕрремĕш кварталĕнче 50 камера хутшăнĕ. Асăннă мера вилĕм патне илсе çитерекен аварисен шутне чакарма пулăшасса шанаççĕ.

Ирида НОВИКОВА.