Благовещенскра инвестора çĕр уйăрса панă

Пушкăртстан влаçĕсем, сарă пăрçаран тĕрлĕ апат-çимĕс туса кăларма завод хăпартма, инвестора Благовещенск хулинче çĕр уйăрса панă. Вăл Ĕпху хулинчен 30 çухрăмра вырнаçнă. Республика пуçлăхĕн февраль уйăхĕн 3-мĕшĕнче алă пусса çирĕплетнĕ хушăва официаллă порталта пичетлесе кăларнă. Инвестора çĕр лаптăкне аукцион ирттермесĕрех арендăна параççĕ. Çакă вăл патшалăх тавар туса кăларакана хăй енчен пулăшу панине çирĕплетет. Пулас объектăн пĕтĕмĕшле лаптăкĕ 233 541 тăваткал метрпа (23 гектар ытла) танлашать, унăн кадастр номерĕ - 02:69:020501:462.