Икĕ хĕрарăм тата çулталăкри ача аварине лекнĕ

Янаул районĕнчи патшалăх çул-йĕр инспекторĕсем авари пулнă çĕре килсе çитнĕ. Март уйăхĕн 16-мĕшĕнче Нефтекамск-Янаул трасса çинче Hyndai Solaris иномаркăпа КамАЗ çапăннă. Иномарка рульне тытса пынă 42 çулхи хĕрарăма тата 29 çулхи пассажира - пĕртăванĕн хĕрне тата унăн çулталăкри пепкине медицина пулăшăвĕ кирлĕ пулнă. Инкек курнисем тĕрлĕ шайра суранланнă‚ вĕсене çывăхри больницăна илсе çитернĕ.

Полици ĕçченĕсем урампа çул-йĕр сетьне тĕрĕсленĕ. Трасса пăрлă пулнине палăртнă. Асăннă çулшăн явап тытакансен тĕлĕшпе административлă тĕпчев пуçарнă тенĕ Пушкăртстанри Патшалăх автоинспекцийĕ.

Ирида НОВИКОВА.