Учалăра çĕнĕ шкул пулĕ

Учалă хулинче 1225 ача вĕренмелли шкул хăпартĕç. Асăннă хыпара патшалăх туянăвĕсен сайтĕнче пĕлтернĕ. Заказ параканĕ - Пушкăртстан Республикин Капиталлă строительство управленийĕ.

Шкул хăпартма 766,8 млн тенкĕ уйăрĕç. Конкурс пĕтĕмлетĕвĕсем тăрăх, контракта «Строительное управление №1» тулли мар яваплă пĕрлĕхпе тăвĕç. Укçа-тенке федераллă тата республика бюджетĕнчен уйăрма палăртнă. Ĕçе план тăрăх 2022 çулта вĕçлемелле. Пĕтĕмпе шкул çурчĕн лаптăкĕ 18,32 пин тăваткал метрпа танлашмалла. Пĕлÿ çурчĕ тăватă хутран тата ултă температура блокĕнчен тăрĕ.

Инга АЛЕКСЕЕВА.

#Башкортостан #Уралсасси # Нацпроект #Оброзование