Çамрăк каччă ток çапнипе вилнĕ

Пушкăртстанри Караидель районĕнчи Кантон ялĕнче июнь уйăхĕн 29-мĕшĕнче çамрăк çынпа инкек пулса иртнĕ. Вун тăхăр çулхи каччă килти юсав ĕçĕсене пурнăçланă.

«Ăна сетьри удлинитель кабелĕнчен ток çапма пултарнă тесе шутлаççĕ. Тăванĕсем каччă выртнине курсан васкавлă пулăшăва шăнкăравланă, анчах та кая юлнă – Бирскри нумай профильлĕ колледжра вĕренекен студент вырăнтах вилсе кайнă, - ăнлантарса панă право сыхлавçисем.

Следовательсем пулса иртнине тĕпчеççĕ.