В.Путин Олимпиада чемпионĕпе призерне наградăланă

Раççей Президенчĕ Владимир Путин Раççей спортсменĕсене Тăван çĕршыв спортне аталантарнăшăн‚ пысăк çитĕнÿсем тунăшăн‚ Токио хулинче иртнĕ Олимпиадăра çĕнтерме çирĕп тĕллев лартнăшăн патшалăх наградисемпе чысласси пирки калакан указа алă пуснă.

Документпа килĕшÿллĕн фехтовани енĕпе чемпион ята тивĕçнĕ Аделина Загидуллина Туслăх орденне‚ Тимур Сафин кĕмĕл призер «Тăван çĕршыв умĕнчи тава тивĕçлĕ ĕçсемшĕн» I степень орден медальне илме тивĕçнĕ.

А.Загидуллина команда зачетĕнче олимп ылтăнне çĕнсе илнĕ‚ Т. Сафин вара кĕмĕл медальлĕ пулнă.

#Башкортостан#Уралсасси#ДеятельностьПрезидентаРФ#Олимпиада

Автор: Ирида Матниязова

Читайте нас