Пушкăртстан çыннисем 5 процент нумайрах кредит илнĕ

Кредитсен историйĕн наци бюровĕ пĕлтернĕ тăрăх, Пушкăртстанра пурăнакансем кăçалхи июль уйăхĕнче 43,1 пин потребитель кредичĕ илнĕ. Çакă иртнĕ çулхи çак вăхăтрипе танлаштарсан 5,2 % нумайрах.

Кредитсен шучĕпе республика Мускав хули (63,8 пин), Мускав облаçĕ (55,8 пин) тата Краснодар крайĕ (48,2 пин) хыççăн тăваттăмĕш вырăнта шутланать. Пиллĕкмĕш вырăнта - Тутарстан (42,6 пин, 9,2 % ÿснĕ), унтан Свердловск облаçĕ (41,8 пин, ÿсĕм 6,2 %).

Çĕршыври потребитель кредичĕн апрель уйăхĕнчи вăтам виçи пуçласа 300 пин тенкĕ урлă каçнă. Пушкăртстанра июнь уйăхĕнчи кивçен илнĕ вăтам укçан виçи 268,8 пин тенке çитнĕ, май уйăхĕнчен 7,7 процент пысăкрах.

Юрий СНЕГОПАД.

Автор:Юрий Михайлов

Читайте нас

Новости партнеров