Чугун çул станцинче çынна ток çапса вĕлернĕ

Атăлçум транспорт прокуратурин пресс-служби пĕлтернĕ тăрăх, Буздяк станцинчи пĕр çурт тăррине юсаса пĕтернĕ хыççăн строительсем çÿле хăпармалли пусмана тепĕр вырăна куçарнă чухне унпа пысăк напряжениллĕ электропăралука лектернĕ. Электричество токĕпе коммерци организаци ĕçченĕ,  «Раççей чугун çулĕ» ОАОн  подрядла ĕçĕсене пурнăçланă май, вилмеллех суранланнă.

Транспорт прокуратури синкерлĕ лару-тăрăва пăхса тухса пĕтĕмлетÿ тăвĕ, айăплисем пулсан прокурор мерисем йышăнĕ тесе пĕлтернĕ ведомствăра.

Юрий СНЕГОПАД.