Ермеккей ялĕ çывăхĕнчи çăлкуçа тирпей-илем кĕртнĕ

Çăлкуç Ермеккей районĕнче пурăнакансемшĕн тахçанах чи юратнă вырăнсенчен пĕри пулса тăрать. Маларах ăна шыв пуçтармашкăн çеç туман.
- Çăлкуçа илем кĕртмелли проект çак вырăна иккĕмĕш пурнăç парассипе çыхăннă, - каласа панă Марат Шарафутдинов. – Унăн территорине тата çумĕнчи канмалли вырăна тирпей-илем кĕртни ял çыннисемпе район хăнисене беседка сулхăнĕнче ларса канма, таса çăлкуç шывне ĕçсе киленме май парать.
Тăван кĕтесе юратакансем шыв çумĕнчи территорине йăваннă йывăçсемпе çÿп-çапран тасатнă, çăлкуç патне пыма кĕпер йĕркеленĕ, беседка туса лартнă, кăвайт чĕртмелли тата çÿп-çап пуçтармалли вырăн хатĕрленĕ.
«Атайсал» проектăн тĕп тĕллевĕ - Пушкăртстанра çуралса ÿснĕ çынсене пĕр тĕвве пуçтарса тăван тăрăхпа çыхăнтарасси, хамăрăн пĕчĕк çĕршывăмăра аталантарма, май пур таран илемлĕрех тума пулăшасси.
Надежда АЛЕКСЕЕВА. Ермеккей районĕ.