Рекордлă кăтарту – пĕрремĕш кунах суйлавçăсен 39,5 % сасăланă

Çавăн пекех Салаватпа Бирск хулисенче, Благовар, Балтач, Нуриман районĕсенче суйлава килнисен шучĕ 30 процент ытла пулнине пĕлтернĕ паян ирхине «Суйлав-2021» обществăлла пресс-центрта иртнĕ брифингра ПР Тĕп суйлав комисси (ТСК)  председателĕн çумĕ Марат Гадилов.  Унăн сăмахĕ тăрăх, Ĕпхÿ хули те кĕтмен çĕртен тĕлĕнтернĕ – 25-30 процент сасăланă.

- Çынсем суйлав участокĕсене çемйисемпе, ачисемпе, тăванĕсемпе килнĕ. Пирĕн пата, хăш-пĕр участоксенче суйлавçăсем йышлă пулнипе çак лару-тăру вĕсене тивĕçтерменни пирки, ыйтусемпе тухакан суйлавçăсем те пулчĕç,-тенĕ ТСК представителĕ.

Марат Гадилов хушса çакна пĕлтернĕ: суйлавăн пĕрремĕш кунĕнче, сентябрь уйăхĕн 17-мĕшĕнче, республикăри суйлавçăсен 25,03 проценчĕ сасăлава хутшăннă. Çакă вăл 750 пин ытла çынпа танлашать.

Юрий СНЕГОПАД.