Ĕпхÿре суйлавçăсен хастарлăхĕ 67,9 процентпа танлашнă. Республикăри ытти хуласенчи вăтам кăтарту 57,7 процента çитнĕ. Чи нумай сасăланисен шутĕнче - Салават (75 %) тата Сибай (71,4 %) хулисем.
Районсенчи вăтам кăтарту - 78 процент. Тăхăрвунă процент урлă каçнисен шутне Салават (96 %), Шаран (95 %) тата Татăшлă (92 %) районĕсем кĕреççĕ.
Аса илтеретпĕр, Пушкăртстанра виçĕ кун тăрăшшĕ – сентябрь уйăхĕн 17, 18,19-мĕшĕсенче - РФ Патшалăх Думин тата виçĕ округра ПР Патшалăх Пухăвĕн-Курултайĕн депутачĕсен çĕнĕ йышне суйланă. Унсăр пуçне Ĕпхÿ, Белорецк, Бирск хулисенче, Ĕпхÿ районĕнче тата Юматово ял Канашĕнче суйлавçăсем вырăнти депутатсемшĕн сасăланă. Чылай районсемпе хуласенче хушма суйлавсем иртнĕ.
Юрий МИХАЙЛОВ.