Çул-йĕр инкекĕнче тăватă çын вилнĕ

Октябрь уйăхĕн 4-мĕшĕнче Элшей районĕнчи çул-йĕр инкекĕнче тăватă çын пурнăçĕ татăлнă. Пушкăртстанри çул-йĕр хăрушсăрлăх патшалăх инспекцийĕн пресс-служби пĕлтернĕ тăрăх‚ авари Раевка – Ташлы автоçулăн 7 çухрăмĕнче пулса иртнĕ.

«ВАЗ-2114» çăмăл машина хирĕç килекен RenauIt Loganпа çапăннă. Пĕрремĕшĕн рульне 40 çулхи вырăнта пурăнакан арçын тытса пыни‚ иккĕмĕшĕн умĕнче 63 çулхи водитель ларни паллă.

Çул-йĕр инкекĕнче «ВАЗăн» водителĕ тата унăн 48 çулхи пасссажирĕ васкавлă пулăшу килсе çитиччен вилнĕ. Çавăн пекех RenauIt Loganăн 79 тата 68 çулхи пассажирĕсен чĕрисем тапма чарăннă.

Вырăнта полици тата ытти васкавлă службăсен ĕçченĕсем ĕçлеççĕ. Вĕсем пулса иртнине тĕпчеççĕ.

Автор: Ирида Матниязова

Читайте нас