Тăлăх ачасем валли 2021 çулта 1 млрд тенкĕ уйăрнă

Пушкăртстанра тăлăх ачасене пурăнмалли çурт-йĕрпе тивĕçтерме 2021 çулта пĕр миллиард тенкĕ уйăрнă. Çакă вăл 716 çыннăн хваттер ыйтăвне татса пама çитет. Пурĕ вара 7 пин тăлăх ача черетре тăрать, вĕсенчен 4,5 пинĕшĕ 18 çултан иртнисем. Çакăн çинчен республикăри финанс министрĕ Лира Игтисамова ПР Патшалăх Пухăвĕн-Курултайĕн бюджет тата налог политикин комитечĕн ларăвĕнче пĕлтернĕ.

Тĕплĕнрех каласан, тăлăх ачасен умĕнче социаллă тивĕçсене пурнăçлама патшалăх 953 млн тенкĕ уйăрнă, вĕсенчен 252 млн тенкĕ - федераллă бюджетран. Çакă иртнĕ çулхинчен 188 млн тенкĕ нумайрах тесе палăртнă финанс министрĕ.

Юрий МИХАЙЛОВ.

Автор: Юрий Михайлов

Читайте нас