Вĕлерекен спирта Ĕпхÿре туяннă пулнă

Эрĕнпур облаçĕнче сурогатлă эрехе пула 34 çын вилнĕ хыççăн Ĕпхÿри пĕр коммерци организацийĕ Раççейри Шалти ĕçсен министерствин куçĕ тĕлне лекнĕ. Аса илтеретпĕр, октябрь уйăхĕн 6-мĕшĕнчен пуçласа пирĕн республикăпа юнашар регионта спирт шĕвекĕ ĕçсе йышпа наркăмăшланнă тĕслĕхсем нумайланнă. Полицейскисем спирта Ĕпхÿре сутăн илнине уçăмлатнă.

- Сурогатлă алкоголь напитокне туса кăларакансем «ингибитр технический» текен спирта Ĕпхÿри пĕр коммерци фирминче туяннă. Вĕсем официаллă шайра техника шĕвекĕсемпе суту-илу тăвассипе, çав шутра техника спирчĕ те кĕрет, ĕçлеççĕ,- тесе çирĕплетнĕ Шалти ĕçсен министерствин сайтĕнче.

Хальхи вăхăтра пакунлисем çын сывлăхĕшĕн хăрушă шĕвеке закона пăхăнса сутнипе сутманнине тĕрĕслеççĕ.

Юрий СНЕГОПАД.

Автор:Юрий Михайлов

Читайте нас

Новости партнеров