Пур хыпар та
Новости
13 Октябрӗн , 14:00

12,6 пин тонна сахăр песукĕ туса илнĕ

«Раевсахар» компани октябрь уйăхĕн 12-мĕшĕ тĕлне 2021 çулхи çĕнĕ тухăçран 12,6 пин тонна пылак продукци туса илнĕ. Завод ял хуçалăх предприятийĕсенчен 314,2 пин тонна сахăр кăшманĕ йышăннă пулнă. Пĕтĕмĕшле чĕр таварăн 85,6 пин тоннине ĕçе кĕртнĕ.

12,6 пин тонна сахăр песукĕ туса илнĕ

Çитес вăхăтра Чишмари сахăр завочĕ те кăшманран продукци тума тытăнĕ. Унта хальлĕхе 85 пин тонна пылак тымар илсе килнĕ.

Пушкăртстанри Ял хуçалăх министерствин пресс-служби пĕлтернĕ тăрăх, регионта сахăр кăшманне пуçтарса кĕртесси вĕçленсе пырать. Октябрь уйăхĕн вун иккĕмĕш кунĕ тĕлне мĕнпур лаптăкăн 85% пухса илнĕ, çакă 31 пин гектарпа танлашать. Республикăри уй-хирсенче 744,6 пин тонна пылак тымар кăларнă, пĕр гектарти вăтам тухăç - 240 центнер.

Автор:Ирида Матниязова