Хаксене сăлтавсăр ÿстерме ирĕк памĕç

Пушкăртстанра малашне социаллă пĕлтерĕшлĕ тесе йышăннă апат-çимĕç хакĕ пĕр сăлтавсăр ÿснине сăнаса тăрĕç. ПР Премьер-министрĕ Андрей Назаров апат-çимĕç хакĕн мониторингне тĕрĕслесе тăракан ĕçлĕ ушкăн йĕркелесси çинчен калакан хушăва алă пуснă.

Документпа килĕшÿллĕн унăн йышне ял хуçалăх, суту-илÿпе çăмăллăхсем паракан министрсем, Пушкăртстан Республикинчи Монополие хирĕç кĕрешекен служба ертÿçи, Пахча çимĕç ÿстерекенсен пĕрлĕхĕн, Пушкăртстан суту-илÿ ассоциацийĕн председателĕсем кĕрĕç.
Ĕçлĕ ушкăн председателĕ пулма республикăри экономика аталанăвĕпе инвестици политикин министрне Рустам Муратова çирĕплетнĕ.
Пушкăртстан статистики пĕлтернĕ тăрăх, республикăра çулталăк пуçламăшĕнчен çĕр улми – 20%, пахча çимĕç – 46%, апат-çимĕç таварĕсем пĕтĕмĕшле 3,7% хаклăланнă.
Надежда АЛЕКСЕЕВА.

Автор:Надежда Родионова

Читайте нас

Новости партнеров