Октябрь уйăхĕн 20-мĕшĕ тĕлне регионти тыр-пул акса ÿстерекенсем çу паракан культурăн 95 процентне вырса пуçтарнă. Пĕтĕмĕшле 300,5 пин тонна хĕвел çаврăнăш пухса илнĕ. Çакă иртнĕ çулхипе пĕр танах.
Çанталăк типĕ тăчĕ пулсан та çу культурин вăтам тухăçĕ начар мар. Гектар пуçне 12,2 центнер, - палăртнă регионти Ял хуçалăх министерствин пресс-службинче.
Хĕвел çаврăнăшăн чи пысăк тухăçĕ кăçал Архангельск, Дюртюли, Авăркас тата Кармаскалă районĕсенче çитĕннĕ, унта кашни гектар пуçне 20 центнер çу паракан культура вырса илнĕ.
2021 çулта хĕвел çаврăнăшне республикăри 50 муниципалитетри 257 пин гектар çинче акнă.
Надежда РОДИОНОВА.