Лифтсене улăштарассипе çыхăннă плана пурнăçланăпа пĕрех

Пысăк кăтартусем нумай хваттерлĕ çуртсенче юсав ĕçĕсем ирттерме укçа-тенкĕ пухас тата вĕсемпе тĕрĕс усă курас енĕпе ĕçлекен регион системи тухăçлă ĕçленипе çыхăннă. Çав вăхăтрах кивĕ лифтсене улăштарма республика бюджетĕнчен те укçа-тенкĕ уйăрнă.

Монтаж ĕçĕсем вĕçленсен, йышăну актне алă пусиччен тата оборудованине хута яриччен, лифт тĕрлĕ йышши тĕрĕслевсем витĕр иртет. Ростехнадзор специалисчĕсем техника пайĕсене пăхса тухаççĕ, тест тăваççĕ, завод докуменчĕсене тата монтаж пахалăхне тĕрĕслеççĕ. Çавăн пекех тунă ĕçе çуртра пурăнакансем те хак параççĕ. Ÿпкелешÿсемпе çăхавсем пулмасан лифта официаллă майпа хута яраççĕ.