Ĕпхÿре лавкка тăррине кинемей ÿкнĕ

Октябрь уйăхĕн 28-мĕшĕнче Ĕпхÿ хулинчи информаципе диспетчер центрне инкек сиксе тухни çинчен хыпар çитнĕ. Октябрь проспектĕнчи 81/2№ çуртăн пĕрремĕш хутĕнче вырнаçнă лавкка тăррине темле майпа 80 çулхи хĕрарăм ÿкнĕ.

Вырăна Ĕпхÿ хулинчи Граждансене хÿтĕлев паракан управленин шыравпа хăтару отрячĕн ĕçченĕсем, васкавлă пулăшу тата полици килсе çитнĕ.

 - Хăтаруçăсем суранланнă хĕрарăма çĕр çине антарнă, медицина ĕçченĕсен аллине панă. Малтанхи информаципе килĕшÿллĕн пăтăрмах тăваттăмĕш хутра пулса иртнĕ. Васкавлă пулăшу бригади хĕрарăма сиплев учрежденине илсе çитернĕ, - тенĕ Граждансене хÿтĕлев паракан управленин пресс-службинче.