Пушкăртстанра рак чирĕпе вилнисен шучĕ 5 çул хушшиче 3,5 % ÿснĕ

Республикăри Сывлăх сыхлав министерстви юлашки пилĕк çулта сиенлĕ шыçă (злокачественный) чирĕпе чирлесе вилнисен статистикине палăртнă. Ведомствăн кăтартăвĕсем тăрăх, Пушкăртстанра 2016 çулта рак чирĕпе чирлесе пурнăçран уйрăлнисем 2020 çулхипе танлаштарса 3,5 % сахалрах пулнă. Иртнĕ çул вилнисен вăтам кăтартăвĕ 100 пин çын пуçне 158,5 çынна çитнĕ. Чи сахалли - Нефтекамск хулинче (101,2), чи пысăкки – Кушнаренковă районĕнче (265,5).

Регионта пурăнакансем ытларах сĕт парĕпе (молочная железа)-12,5 %, тип пырпа, борнхсемпе, ÿпкепе – 9,7 %, ÿт çинчи шыçăпа – 8,6 %, хăнтăр (ободочная) пыршипе -7,5 %, тÿрĕ пыршăпа - 6,7 %, хырăмлăхпа – 6,5 чирлеççĕ. Çав вăхăтрах специциалистсем пилĕк çул хушшинче республикăра онкологипе пуçласа чирлекенсем пĕтĕмĕшле йышĕ чакнине палăртаççĕ: 2016 çулта 100 çын пуçне 324,8 тĕслĕх пулнă пулсан, 2020 çулта – 273,8. Чи сахаллине Хайбулла районĕнче шута илнĕ, чи пысăккине - Чекмагуш районĕнче.

Çывлăх сыхлав министерстви регионти информаци фончĕн катартăвĕсем тăрăх 2020 çулта республикăра 10 093 çын сиенлĕ шыçăпа пуçласа чирленине пĕлтернĕ. 2016 çулта çак виçе 13 222-пе танлашнă.

Ачасемпе çамрăксем ракпа сахалрах чирлеме пуçланă – пилĕк çулхи кăтарту 6,6 % чакнине çирĕплетет. Çак енĕпе вăтăр виçĕ муниципалитетра республикăри вăтам кăтартуран иртсе кайнине палăртнă: Авăркас, Шаран, Нуриман, Краснокамск (4 – 4,8 хут), Мияки, Чекмагуш, Кармаскалă, Дуван, Балтач (2,7- 3,7 хут), Татăшлă, Иглин, Караидель, Мишкин, Бакалă районĕсем (1,8 – 2,1 хут).

Юрий СНЕГОПАД.

Автор: Юрий Михайлов

Читайте нас