Радий Хабиров Çĕнĕ 2022 çула уявлассипе çыхăннă указа алă пуснă

Пушкăртстан Пуçлăхĕ Çĕнĕ 2022 çула мĕнле уявласси çинчен калакан указа алă пуснă. Радий Хабировăн хушăвĕсемпе килĕшÿллĕн çывăх вăхăтра тĕрлĕ ведомство представителĕсенчен йĕркелÿ комитечĕ пухĕç. Ăна правительство премьер-министрĕ Азат Бадранов ертсе пырĕ.

ПР право информацийĕн порталĕнче пичетленнĕ документ тăрăх, йĕркелÿ комитечĕ «5» паллăпа вĕренекен мĕнпур ачасене, сусăр ачасене, спортра çитĕнÿсем тунисене, ÿнер воспитанникĕсене, служба тивĕçне пурнăçласа пуçĕсене хунисен ачисене, ашшĕ-амăшĕсĕр тăрса юлнисене тата нумай ачаллă çемьере çитĕнекеннисене парнесемпе тивĕçтермелле.

Уявсене кăшăлвируспа çыхăннă эпидеми лару-тăрăвне шута илсе чару мерисене пăхăнса йĕркелĕç. Вĕсене ирттерме регион тата муниципалитет хыснисенчен укçа-тенкĕ уйăрĕç.

Автор: Ирида Матниязова

Читайте нас