Нумай çул хушши сывлăх сыхлав системинче тăрăшнăшăн тивĕçнĕ наградăна ПР сывлăх сыхлав министрĕ Максим Забелин панă. Вăл В.Г. Тарасов Авăркас район тата Пушкăртстан Республикин сывлăх сыхлавне пысăк тÿпе хывнине палăртнă.
Виталий Григорьевича тивĕçлĕ наградăна илнĕ ятпа ăшшăн саламлатпăр. Ырлăх-сывлăх, ăнăçу тата телей сунатпăр.
Надежда РОДИОНОВА.
Редакцирен. Çак кунсенче ПР Сывлăх сыхлав министерствинчен черетлĕ хыпар килсе çитрĕ. Ведомствăн ноябрь уйăхĕн 15-мĕшĕнче кăларнă приказĕпе килĕшÿллĕн Толбазăри Тĕп больницăн тĕп врачĕ пулма Р.Р. Иштуков юлташа çирĕплетнĕ.
В.Г. Тарасов çак должноçра 10 çул вăй хунă (халĕ тивĕçлĕ канăва кайнă), пĕтĕмĕшле сывлăх сыхлав сферинче – 34 çул. Çÿлерех асăннă медаль унăн ĕçне патшалăх тивĕçлипе хак панине çирĕплетет.