Çтерлĕри пушарта арçын ÿтне тупнă

Пушар паян çĕрле, Курчатов урамĕнчи нумай хваттерлĕ çуртăн иккĕмĕш хутĕнче, алхаснă.

 - Иккĕмĕш хутри хваттертен вăйлă тĕтĕм тухнă. Çулăм икĕ пÿлĕмлĕ хваттерĕн пĕр пÿлĕмĕнчи япаласене сиенлетнĕ. Çуртран 10 çынна эвакуациленĕ, - пĕлтернĕ  Инкеклĕ лару-тăру министерствин Пушкăртстанри уйрăмĕн Тĕп управленийĕн пресс-службинче.

Пушара ирхи тăватă сехетре тĕп тунă.

  - Вут-çулăма сÿнтернĕ чух 1961  çулхи арçын ÿтне тупнă. Пушар сăлтавне уçăмлатаççĕ. Вырăнта следствипе оперативлă ушкăн тата Инкеклĕ лару-тăру министерствин дознавателĕсем ĕçлеççĕ, - хушса хунă ведомствăра.

Надежда РОДИОНОВА.