Хаклă туссем!

Декабрь уйăхне ярса пуснă май, çулталăк çеç мар, 2022 çулшăн хаçат-журнал çырăнтарас кампани те вĕçленсе килет. Вăл çак уйăхăн 20-мĕшĕччен тăсăлать. Шăпах çав тапхăрта, декабрĕн 6-16-мĕшĕсенче, пичет кăларăмĕсене çитес çул валли йÿнĕ хакпа çырăнса илме пулать. Çав шутра – «Урал сассине» те. Унăн хакĕ çур çула (индексĕ П2754) - 443 тенкĕ те 46 пус, çулталăка (П3362) 933 тенкĕ 50 пус пулĕ.

Хаклă туссем!

Тата сире, хисеплĕ вулакансем, хаçат çырăннă квитанци копине редакцие ярса пама ыйтатпăр. Вăл лотерея вылявне хутшăнĕ. Тĕп парне – çĕвĕ машини. Ыттисем те кăмăла каймалла. Турă пÿрнĕ телейлĕ шăпа пулсан вĕсене выляса илме пултаратăр. Çавăнпа та сиртен квитанцисене кĕтетпĕр. Вĕсене почта урлă конверт ăшне чиксе редакцин е электронлă адресĕпе ярса пама пултаратăр. 8 963 146 44 44 номерлĕ ватсаппа та усă курма май пур.
Пурне те ăнăçу сунатпар. Çитес çулта пĕрлех пулар, савăнăçпа хуйхине те пĕрле пайлар.
«Урал сасси» хаçат редакцийĕ.

Автор: Юрий Михайлов

Читайте нас