«Пушкăрт картишĕсем» валли - 1 млрд тенкĕ

Çитес çулта республика хулисенче «Пушкăрт картишĕсем» программăна малалла тăсĕç. Пушкăртстанри çурт-йĕрпе коммуналлă хуçалăх министрĕ Алан Марзаев пĕлтернĕ тăрăх, 2022 çулта 200 яхăн картише тирпей-илем кĕртме палăртаççĕ.

Картишсене илем кĕртессипе çыхăннă программăна пурнăçа кĕртме 1 млрд ытла тенкĕ уйăрса парĕç. Çав вăхăтрах укçа-тенкĕ хывас йĕрке улшăнмĕ: 94% - республика бюджечĕ, 5 процентран кая мар – муниципалитетсем, 1 процентран кая мар – нумай хваттерлĕ çуртсенче пурăнакансем.

- Пирĕн тĕллев картиш территорийĕсене тирпей-илем кĕртессипе çыхăннă ĕçсене çулсерен сентябрь уйăхĕн 1-мĕшĕ тĕлне вĕçлесси пулса тăрать, - тенĕ Алан Марзаев.

#Башкортостан#Уралсасси#нацпроекты#Жильеигородскаясреда

Автор: Ирида Матниязова

Читайте нас