Пушар 12 пуç мăйракаллă шултра выльăха тата икĕ лашана тĕп тунă

Пушкăртстанри Инкеклĕ ĕçсен министерствине декабрь уйăхĕн 16-мĕшĕнче Татăшлă районĕнчи Малая Бальзуга ялĕнче хăмаран тунă пĕр хутлă ферма çунни пирки хыпар çитнĕ. Унăн виçи 12х50 метрпа танлашать.

Пушар ĕçченĕсем килсе çитнĕ çĕре фермăна вут-çулăм çавăрса илнĕ. Вутра 12 пуç мăйракаллă шултра выльăх тата икĕ лаша çуннă.

Инкеклĕ ĕçсен министерствин ĕçченĕсем çулăма сÿнтернĕ. Çак ĕçе пилĕк пушар техникине тата тăхăр çынна явăçтарнă.

- Пушарта çынсем вилнĕ е суранланнă тĕслĕхсем пулман. Вут-çулăм тухнин сăлтавне уçăмлатассипе Раççейĕн Инкеклĕ ĕçсен министерствин дознавателĕсем ĕçлеççĕ, - тенĕ ведомство пресс-службинче.

Автор:Ирида Матниязова

Читайте нас

Новости партнеров