Орнитологсем Ĕпхÿ хулинче çĕнĕ кайăка асăрханă

Ĕпхÿ хулин кайăкĕсен атласне тăвакансем Пушкăртстанăн шĕкĕр хулинче халиччен курман çунатлă туса асăрханă. Декабрь уйăхĕн 13-мĕшĕнче Марат Адиев Motacilla cinerea сăрт-ту пăрчăканне (трясогузка) Ĕпхÿ юхан шывĕ хĕрринче асăрханă. Орнитологсем кайăка асăрханă вăхăта Ĕпхÿ хулинчи чи кая юлни тесе палăртнă.

Кайăксен атласĕн авторĕсем каланă тăрăх, 2021 çулхи декабрь уйăхĕн 6-мĕшĕнче Ольга Лебедева Инорс микрорайонти Ăшă кÿлĕрен (Теплое озеро) юхса тухакан çăлкуç Ĕпхÿ юхан шывне юхса кĕнĕ вырăнта икĕ Motacilla alba пăрчăканне асăрханă.

- Маларах шурă пăрчăканпа чи кая юлнă тĕл пулу Ĕпхÿре 2016 çулхи ноябрь уйăхĕн 17-мĕшĕнче пулса иртнĕ (Ксения Руденко пĕлтернĕ). В. А. Валуева «Пушкăртстан кайăкĕсен экологийĕ: 1811-2008» кĕнекинче республика территоринче асăннă кайăкăн тĕсне чи кая юлса регистрациленĕ вăхăта – октябрь уйăхĕн 22-мĕшне – палăртнă, - тесе пĕлтернĕ Пушкăртстан çут çанталăкне асăрхаса тăракансем.

Автор:Инга Алексеева

Читайте нас

Новости партнеров