Ĕпхÿ урлă икĕ хутлă поезд çÿреме пуçлĕ

2022 çулта Пушкăртстанăн тĕп хули урлă икĕ хутлă поезд çÿреме пуçлĕ. Куйбышев чугун çул пуçлăхĕн сăмахĕсем тăрăх, çĕнĕ составсене Самара-Ĕпхÿ-Санкт-Петербург маршрутпа яма палăртаççĕ.

Çакна та асăнса хăвармалла, «Раççей чугун çулĕсем» ОАО 2021 çулта çĕнĕ икĕ хутлă поездсем илме тивĕçнĕ. Пĕрремĕш вагонсем Эрĕнпур-Самара-Мускав маршрутпа иртнĕ.

Икĕ хутлă вагонсем сентресемпе мачча хушши пысăкрах пулнипе уйрăлса тăраççĕ. Пассажирсем валли душ кабинисем, харпăр сейфсем пур. Унсăр пуçне кашни купере сывлăш регуляторĕ вырнаçтарнă.

Автор: Ирида Матниязова

Читайте нас