Раççейре студентсен спортне аталантарĕç

Патшалăх пулăшăвне Раççейри студентсен спорт пĕрлĕхне ярĕç. Организаци федераллă укçа-тенкĕпе студентсен спортне аталантарассипе çыхăннă наукăпа практика конференцийĕсем, методика семинарĕсем тата форумсем ирттерĕ.

Çавăн пекех Раççейри студентсен спорт аталанăвне,  студентсен спорт лигисен ĕç-хĕлне кăтартакан  мониторинг ирттерĕç, асăннă çул-йĕре аталантармалли методика сĕнĕвĕсем, аслă вĕренÿ заведенийĕсенчи студентсен спорт клубĕсене кĕртмелли йĕркене хатĕрлесе çирĕплетĕç.

Субсидие «Физкультурăпа спорта аталантарасси» патшалăх программипе килĕшÿллĕн уйăрĕç.  Ун валли федераллă бюджетран мĕн чухлĕ укçа-тенкĕ уйăрассине  шутласа хунă ĕнтĕ. Уйрăмăн илес пулсассăн,  2022 çулта - 479,2 млн тенкĕ ытла, 2023 çулта - 439,5 млн тенкĕ, 2024 çулта 279,8 млн тенкĕ уйăрĕç.

Надежда РОДИОНОВА.