2022 çулта республикăра электромобильсем валли тата 13 заряд станцийĕ уçăлĕ

2022 çулта Пушкăртстанра электромобильсем валли тата 13 заряд станцине уçĕç. Халĕ республикăра 13 электрозаправка ĕçлет. Вĕсенчен 9-шĕ Ĕпхÿ хулинче, иккĕшĕ Нефтекамск хулинче, пĕри Пишпÿлек ялĕнче тата тепри Чишма районĕнче (Чишмы М5-кемпинг) вырнаçнă.

Астутарасшăн, Пушкăртстанра 60 кВт хăватлăхлă пĕрремĕш электрозаправка иртнĕ çул сентябрь уйăхĕнче Ĕпхÿ хулинчи Трамвайная урамĕнчи 1-мĕш çуртра уçăлнă. Асăннă заряд станцийĕ электромобиле 20 минут хушшинче зарядпа тивĕçтерме пултарать. Хăвăрт заряд mode-4 режимлă улшăнакан токпа (переменный) усă курнипе пурнăçланать.

Паянхи куна республикăра 160 электромобиль регистрациленĕ.

Инга АЛЕКСЕЕВА.

Автор: Инга Алексеева

Читайте нас