Раççейре 100 тенкĕлĕх çĕнетнĕ банкнотсем пулĕç

Раççей Федерацин Тĕп банкĕ çывăх вăхăтра çĕнетнĕ купюрăсемпе усă курма пуçласси çинчен пĕлтернĕ. Çакăн çинчен Раççей Банкĕн председателĕн çумĕ Михаил Алексеев экономика тата ĕçлĕ журналистика клубĕнче иртнĕ тĕлпулу вăхăтĕнче каласа панă.

«Паллă пулăм пулса иртнĕ чухне, çавăн пеккисенче пĕри çывăх вăхăтра пулмалла, пресс-конференци йĕркелеççĕ. Хальхинче вăл çĕнĕ банкнотпа паллаштарассипе çыхăннă. Çак ĕç тепĕр уйăхран е темиçе эрнерен пулса иртмелле»,- Тĕп банк председателĕн çумĕ каланă сăмахсене ТАСС илсе кăтартнă.

Маларах çакă паллă пулнă, Тĕп банк хăй умне 2025 çулччен темиçе банкнота çĕнетме тĕллев лартнă. 2022 çулта çынсем укçа-тенкĕ çаврăнăшĕнче çĕнĕ 100 тенкĕлĕх хут укçапа усă курма пуçлĕç.

Çĕр тенкĕлех хут укçасемсĕр пуçне банк тата 5 тĕрлĕ укçана çĕнетет. Çĕнĕ 1000 тата 5000 тенкĕлĕх банкнотсемпе 2023 çулта усă курма пуçлăпăр, 500 тенкĕлĕххипе - 2024 çулта, 10 тата 50 тенкĕллĕххисемпе - 2025 çулта.

Юрий СНЕГОПАД.

Автор: Юрий Михайлов

Читайте нас