Вунă уйăхри ачана чÿречерен ÿкернĕ те çывăрма выртнă

ПР прокуратурин пресс-служби пĕлтернĕ тăрăх, 2021 çулхи декабрь уйăхĕнче Иглино послеокĕнче  пурăнакан хĕрарăм тăванне 10 уйăхри хĕрне пăхма ыйтнă. Ачан амăшĕ çук вăхăтра айăпланакан эрех-сăра ĕçнĕ. Çавна пула çÿхе кофта çеç тăхăнтартнă ача унăн аллинчен вĕçерĕнсе пĕр хутлă çурт чÿречинчен тухса ÿкнĕ.

«Эрех-сăрапа ÿсĕрĕлсен хĕрарăм çывăрса кайнă. Хĕр ачана тепĕр сехетрен амăшĕ урамра тупнă,  ăна тÿрех больницăна илсе кайнă. Тухтăрсем «шăнни, вăтам степень» диагноз лартнă»,  - пĕлтернĕ регионти надзор ведомствинче.

Хĕр ача хĕллехи -1  сивĕ çанталăкра урамра çÿхе кофтăпа çеç тăрса юлнă. Кĕрт ăшне кĕрсе ÿкнĕскер тухайман. Айăпланакан хăй айăпне пĕтĕмпех йышăннă. Суд ăна 260 сехет ĕçлемелле тунă. Приговор хальлĕхе саккунлă вăя кĕмен-ха.