-12 °С
Пӗлӗтлӗ
Пур хыпар та
Новости
4 Нарӑсӑн 2022, 17:30
Пушкăртстанра пурăнакансем патне хăнана çÿлевĕç килнĕ
Ĕнер, февраль уйăхĕн 3-мĕшĕнче, кăнтăрла Мечетли районĕнчи Аслă Устьикинск (Большеустьикинское) ялĕнчи Балашов урамĕнчи пĕр çурт патне çÿлевĕç (рысь) килсе тухнă. Вырăнти «Мечетли пурнăçĕ» («Мечетлинская жизнь») хаçат çак пулăма ÿкернĕ видеона социаллă сетьсенче вырнаçтарнă. Ăна пăхсан тискер чĕрчун ял çыннин çурчĕн чÿречинчен шалалла тинкернине курма пулать.
Пушкăртстанра пурăнакансем патне хăнана çÿлевĕç килнĕ
«Вăл пĕчĕкскер! Пăх-ха, мĕнле хитре!», - тесе хавхаланса хак параççĕ видеоролик авторĕсем хайсен куçĕпе курнă пулăма.
Çÿлевĕç малтан кантăк янахĕ çине сиксе хăпарма хăтланнă, анчах та шуса кайнипе юр çине ÿкнĕ. Кайран килти хуралтăсем енне кайса куçран çухалнă.
Юрий СНЕГОПАД.
Новости партнеров