Пекинри XXIV хĕллехи Олимп вăййисем вĕçленнĕ

Паян, февраль уйăхĕн 20-мĕшĕнче, Пекинри Наци стадионĕнче XXIV хĕллехи Олимп вăййисем вĕçленнĕ ятпа церемони иртнĕ. Çак чаплă мероприяти вăхăтĕнче спортсменсен парадне йĕркеленĕ, унта Раççейĕн пĕрлештернĕ команди те хутшăннă. Раççей Олимп комитечĕн ялавне виçĕ хутчен олимпиада чемпионĕ ята тивĕçнĕ Александр Большунов йĕлтĕрçĕ йăтса пынă.

Раççей команди Олимп вăййисенче 32 медаль çĕнсе илнĕ. Вĕсенче – улттăшĕ ылтăн, 12 кĕмĕл тата 14 бронза. Наградăсен шучĕпе пирĕн спортсменсем Норвеги (37) хыççăн иккĕмĕш пулса тăнă. Медальсене пăхсан пирĕн çĕршыв тăххăрмĕш вырăнта, мĕншĕн тесе кунта ылтăн медальсен шутне мала хураççĕ.

Çĕршыв командин пухмачне медальсемпе пуянлатас енĕпе Пушкăртстан спортсменĕсем те чылай тар тăкнине палăртмалла. Пекинри Олимпиадăра конькипе ушкăнпа пĕр-пĕрин хыççăн чупса (гонки преследования) Ĕпхÿ спортсменĕ Руслан Захаров кĕмĕл медаль çĕнсе илчĕ. Эдуард Латыпов биатлонист виçĕ бронза награда хуçи пулса тăчĕ, Семен Елистратов шорт-трекист пĕр бронза медале тивĕçрĕ.

Юрий СНЕГОПАД.

Автор: Юрий Михайлов

Читайте нас