Ултă ĕç кунĕллĕ эрне пулĕ

Ĕç правин эксперчĕ Татьяна Нечаева производство календарĕпе килĕшÿллĕн февраль уйăхĕн 23-мĕшĕ – ĕçлемелле мар канмалли кун пулни, февраль уйăхĕн 22-мĕшĕнче ĕç кунĕ пĕр сехете кĕскелесси пирки пĕлтернĕ.

- Канмалли тата ĕçлемелле мар уяв кунĕсене усăллăрах ирттерес тесе канмалли кунсене ытти кунсене куçарма пултараççĕ. Çавăнпа та март уйăхĕнче пире 6 кунлă (февраль уйăхĕн 28-мĕшĕ - март уйăхĕн 5-мĕшĕ) ĕç эрни кĕтет. Март уйăхĕн 5-мĕшĕ (шăмат кун) уяв умĕнхи кун пулнипе пĕр сехете кĕскелет, - палăртнă вăл.