+31 °С
Облачно
Новости
25 Февраля 2022, 06:55
Нумай хваттерлĕ çуртăн тăрри ишĕлсе аннă
Февраль уйăхĕн 23-мĕшĕнче 14:45 сехетре Пишпÿлек ялĕнчи Центральная урамра нумай хваттерлĕ çурт тăррин пĕр пайĕ ишĕлсе аннă. Çакăн пирки РФ ШĔМĕн Пушкăртстанри уйрăмĕн пресс-служби пĕлтернĕ.
Нумай хваттерлĕ çуртăн тăрри ишĕлсе аннă
Инкек сиксе тухнă вырăна хăтаруçăсем килсе çитнĕ. Вĕсем икĕ хутлă, 16 хваттертен тăракан çуртăн тăрри ишĕлнине çирĕплетнĕ. Çапла майпа 300 тăваткал метр сиенленнĕ. Телее, маччи сиенленмен, аманнисем е вилнисем пулман.
Çурт тăрри ишĕлсе аннин сăлтавĕ - ун çине юр нумай пухăнни.