Пушкăртстанра 100 пин тонна таварлăх сĕт суса илнĕ

Февраль уйăхĕн 25-мĕшĕ тĕлне регионти ял хуçалăх предприятийĕсемпе фермер хуçалăхĕсем 104,9 пин тонна сĕт суса илнĕ. Иртнĕ çулхипе танлаштарсан кăтарту 3,8 пин тонна нумайрах.

Республикăри чи сĕтлĕ районсем ята çаплипех Чекмагуш районĕ тытса пырать. Унта ĕçлекенсем 9,2 пин тонна чĕр тавар суса илнĕ. Иккĕмĕш вырăна Илиш районĕ йышăннă. Унти фермерсемпе ял хуçалăх предприятийĕсем 7,5 пин тонна сĕт суса илнĕ. Вĕсем хыççăн сĕт суса илессипе пилĕк пинлĕх чикĕ урлă каçнă районсем шутне Çтерлĕ (5,9 пин тонна), Дюртюли (5,8 пин тонна) тата Авăркас (5,7 пин тонна) районĕсем кĕреççĕ.
Надежда АЛЕКСЕЕВА.

Автор: Надежда Родионова

Читайте нас