Ют çĕршыв таварĕсене хамăрăннисем улăштарĕç

«Раççейри производительсене пулăшмалли мерăсем кирек епле тавара та улăштарма май парĕç. Питĕ пĕлтерĕшлĕ отрасльсенче чикĕ леш енчи продукцие хамăр çĕршывра е Еврази экономика пĕрлĕхĕн продукцийĕпе улăштараççĕ. Хальхи вăхăтра чĕр тавара тата пухмалли хатĕрсене (комплектующие) улăштарассипе ĕçлеççĕ. Пирĕн шалти рынок кирек епле сценарие те хатĕр», - ăнлантарса панă регионти ял хуçалăх министрĕн çумĕ.
Çавăн пекех Юрий Лысков Пушкăртстанра климат лару-тăрăвне пула çитĕнмен апат-çимĕç таварĕсем çеç çуккине пĕлтернĕ. Ыттине пурне те хамăр регионтах акса-çитĕнтерсе пулать.
Надежда РОДИОНОВА.